Journey Album

Hih album sungah la dawng 11 kihel ding a, kei mah in ka gelh/phuah vive hi. Tua lak ah dawng khat bel ka nau, Thawnpi phuak hi-in, ken kana co-write hi.

A thulu tawh kizui in, hih kong gelhkhiat late in kei nuntakna sung ah ka sinkhak thute, adiak diak in, nisim nuntakna ah ihphutkhak ciat ahi - nuamna, dahna, lungkiatna, gualzawhna cihte khempeuh ah Topa in amah muan ding hong sinsak semsem a hihna leh ei ading asia agello Pasian nei ih hihna cihte ka bulphuh hi.

Tua bektham lo in, hong pailai ding mailam hun ah zong, ih Pasian mah in nakhempeuh tungah ukna a-neihna leh ei amah amuang mite ading in, lau nading aomloh zia leh lungmuang taka om hithiat ding ahihna cihte zong ka gennop bulpi a hi hi.

Laisiangtho in eite pen leitung ah khualzin mi bang ih hih na hong gen zel a, Khazih tawh ih luah khop ding tawntung mun ngak leh lamen kawmsa in ih nuntak ding hong hahgen mah mah hi. Tua ahih man in, nang leh kei in, hih ih khualzinna leitung ah Topa tawh ton a, amah kimakaih sak a, nisim in ih singlamteh tek pua a Topa nungzui hoih suahding pen thu dangdangte sang lunggulh in, a hahpan zaw thu-um mimal khat ciat hi ni ci-in, hih JOURNEY Album tungtawn in ka lunggulhna kong suahkhia hi. Topa in ama min ading in hong zatsak hen! Amen

sb