ZOLENGTHE Album (Limited Edition)

Zolengthe album

Hih album thak pen, Zolengthe band te in amau ii album masa-pen ahi, 'Hong Ngaih Sak Un Maw,' cih hong khah khiat zawh uh,  kum 10 phial peet-mah khitciang in album nihna dingin hong bawl khiat uh ahi hi.

Album masa-pen tawh kibang lo in, tutung aa pen in kum 3 vilvel bang hun la in hong bawl khia uh hi. Band members buppi mah in la phuakkhawm ngekngek in, arrangement te zong kikum khawm ciatciat in hong sepkhop uh ahi hi.

Lagelhna lamsang ah pen,  Artist dangte hi,  Vai le Jimmie Mung te ii khutmate zong kimu thei ding hi. 

Album nihna sung ah, artist pawlkhat ahi, Sanboih, Legendary Onesmall, le Sangboy Dday cihte in zong nasia takin featuring hong neih theihna te zong kimu thei hi.   

Zolengthe band pen Rock lasa nam in akitheih mah bang in, tutung album thak ii music genre te zong pen amau teng mah in  adeih le ngaih asak ngiat uh ahi, kum 2000 - 2005 kim lamteng aa Rock music te mah pansan ahihna te i muthei ding hi. Zolengthe band in hibang in, amau te’ sunmang khat ahi, a lungkim ngiat late bawl in album suahkhiatna hong nei thei uh ahihman in, la a za kha le a ngai kha te ading in zong lawpna hong khangsak mahmah hi; adiakdiak in, Rock music fan te athak-in no suahna hong pia ding music te hi, ci-leng kikhial lo ding hi.

Hih album sung aa akihel la khempeuh pen Matt Daugherty ii mixing le mastering khutma vive hi-in, lungkim huai ngiat hi.

Zolengthe band in vai haksa tampi phuto kawmkawm sa in, kum 10 khitciang ong bawl kik zawh pat uh, album nihna, ‘Zolengthe,’ pen atawp ong tung in, tu-in, mi khempeuh ngaih theih ding ong suakta ahihman in i nuam mahmah hi. 

Zolengthe band tungpan Lungdam kohna:

Amasa pen in, haksat na tampi te kawmkaal ah, atawp dong hong tunpih in gualzawhna hong musak i biak Pasian tungah lungdamna ka ko uh hi. Hih album sung ah, la hong gelhpih ahi-a, featuring ong neithei, ka artist pih bek uh hilo in, ka lawm-it te zong uh ahi, Vai, Jimmie Mung, Sanboih, Legendary Onesmall le Sangboy Dday te tungah, nakpitak in ka lungdamna uh kong pulak nuam uh hi. Additional instrumentation pawlkhat ahi, Petal Steel pen Mackezie Brown in hong tumsak in, Keyboard sound pawlkhat pen SB Sang in akisam bangin hong tum aa, ka nuam mahmah uh hi. Music production pawlkhat te ah zong ka nau, Haupii in ahoih theih pen dingin hong huh in hong buaipih den ahih man ama tung ah zong lungdamna ka ko phapha nuam uh hi. Tua teng banzom ah, hih album hong piankhiat theih nading tawh kisai in, hong buai pih, hong huh, hong pan pih u le nau, lawm le gual te khempeuh tungah zong ka lungdam na uh kong pulak uh hi. 

- ZOLENGTHE